WATCH: Puting paniki, Natagpuan Sa Isang Barangay Sa Cavite

Pinagkakaguluhan ngayon ng mga residente sa isang barangay sa General Mariano Alvarez, Cavite ang kakaibang paniki na nahuli ng isang matandang residente.

Ayon kay Marciano Pacia, 71, nakita niyang nakadapo sa isang nakasampay na tuwalya ang paniki. Dahil kakaiba, hinuli niya ito at inalagaan.

Ayon kay Pacia, tumaba na at lumaki ang puting paniki dahil ilang araw na rin nila itong inaalagaan.
Ginawan na ng hawla ang paniki at aratiles at saging ang ipinapakain ni Pacia dito.

Hindi karaniwan ang puting paniki sa Pilipinas, ngunit ang alaga ni Pacia ay hindi nag-iisang puting paniki sa mundo.

Kilala ang Honduran white bat na may mala-niyebe na balahibo at dilaw na nguso at mga tainga.

source: Public Trending